nakakatawa yung Susan Roces Cinema Collection: Patayin sa Sindak si Barbara ng ABS-CBN
Susan Roces= widow ng presidential candidate na kaya natalo ay dinaya daw ng nanalong re-electionist presidente sa kasalukuyan
Kris Aquino (bida ng Patayin sa Sindak)= naulila ng ama na pinapatay daw ng kasalukuyang presidente ng bansa nung panahong iyon (kapag haggard na haggard na siya sa eksena at natatakot, nagiging kamukha niya ang nanay niya, na widow ng senador na blah blah blah…)
kakatapos lang kahapon ng mini-teleserye. napansin ko lang, pati mga teleserye ngayon, parang e-load na lang. tingi-tingi. wala nang mga epikong AnnaLuna o FlorDeLuna o Agila. o sa recent na memory, yung tipong parang, Pangako Sa’yo.
wala na kasing maipangako sa bayang ito. o kung may naipangako man, hindi nga napapako e, basta nawawala na lang. kaya maski horror-horroran lang pinapatulan na natin, kahit pansamantalang aliw lang.
mas nakakatakot kasi ang totoong buhay, lalo’t patuloy pa rin ang napapabalitang pinapapatay/napapatay ng kasalukuyang presidente ng pilipinas. joss ko!
